ام البنات

ام البنات


الجزء الاول


مااااااااااااااااااا مااااااااااااااااا

صرخت مى وهى تنادى على امها التى هبت من نومها بسرعة و خرجت الى الصاله وهى تقول بإنزعاج : فيه ايه يا مقصوفه الرقبه, انتى كل يوم تصحى بفضيحه كدا !!
ردت مى فى إنفعال طفولى : طب اعمل ايه يعنى بلاش افطر بلاش اخد مصروفى بلاش اروح المدرسه عشان محدش من بناتك اللى نايمين دول راضى يجهزلى اى حاجه .
خرجت لبنى من الحمام فى تلك اللحظه و هي تقول فى هدوء : كدا يا مى مش انا قلتلك استنى بس اطلع من الحمام و هاعملك اللى انت عاوزاه و هاخدك فى سكتى كمان .

اجابتها مى ولم يخف إنفعالها الجميل : اكون انا بقى ان شاء الله اتأخرت و راح عليا اليوم مش كدا !!!

- يروح عليكى ازاى بس دى الساعه لسه سابعه ..

قالتها لبنى ثم ابتسمت و تركتها و دخلت المطبخ

وقالت امها ضاحكة : اللى يشوفك بتتكلمى كدا مش ممكن يصدق انك لسه فى خامسه ابتدائى , دا جيل ايه دا يا اخواتى !!

- ماله بس الجيل يا ماما ما احنا زى الفل اهو .

ردت امها و قالت :انتى صحيتى يا خايبه الرجا

مش سامعه اختك من ساعه عاوزه تمشى على المدرسه و مش لاقيه اللى يلبسها ؟

ردت عليها قائله :و انا يعنى كنت خلفتها و نستها

هو انتوا تخلفوا و احنا اللى نتحمل المسئوليه

دا ايه الظلم دا ..

ردت لبنى فى تلك اللحظه قائلة بهدوئها المعتاد :فيه ايه بس يا جيهان , صوتك عالى ليه ؟!

رددت امها بسخرية : هي عادتها و لا هتشتريها ما هو لسانها متبرى منها على طول ,حقه اما تشوفيها قدام المرايا تقولى العريس و اقفلها على الباب .

لوحت جيهان بيديها و استدارت وهي تتمتم ببعض العبارات التى لم تفهم امها منهم شيء

فقالت بشماتة : برطمى برطمى امنا نشوف اخرتك ايه, يا ما نفسى ربنا يديكى واحد يصبحك بعلقه و يمسيكى بعلقه انتى بالذات.

ضحكت لبنى قائلة : ليه بس كدا على الصبح يا ست الحبايب

ما انتى عارفه جيهان و دماغها

رددت امها و قالت بنفاذ صبر : يا بنتى دا هي دونا عنكم كلكم مضيعه نص فلوسها فى المكياج و اللبس والموضه الهباب اللى طالعين فيها الايام دى , و الله ما باعرف افرق بين البنت والولد , كله ملخبط على بعض !! واللى يشوف كدا ميقولش انها لسه فى ثالثه ثانوى !


وقبل ان تجيب لبنى ....اطلقت مى صرختها المعتاده



- مامااااااااااااااا ماماااااااااااااااااااا ,انتوا شغالين رغى و سايبنى و لا كأن فى واحده المفروض تكون دلوقتى فى المدرسه ؟؟!

ربتت لبنى على كتفها و قالت : لسه بدرى يا مى

اجابتها مى وهى مقطبة الجبين : وانتى خاسس عليكى ايه ؟ ما انتى بتروحى شغلك وقت ما انتى عاوزه ولا حد بيكلمك.

جائت صرخة من الداخل ...

- يووووووووووووووو , هو كل يوم خناق خناق ..الواحد مش عارف ينام فى البيت دا شويه ؟ امتى بقى يا رب الواحده تتجوز و يبقى ليها بيت لوحدها ؟؟ امتى بس؟؟..

نظرت لبنى و قالت بإبتسامة خفيفة : صباح الخير يا شيماء ,صاحيه بدرى ليه النهارده !

اجابتها شيماء : ان كان عليا مكنتش عاوزه اصحى نهائى

و وضعت كفيها لتريح عليهما خدها و هي تقول حالمة : يااااااااااااااه كنت باحلم حلم جميل, انى فى الكوشه و جانبى عريسى و الناس حوالينا .. كله بيضحك و بيغنى, واول ما شفت الشبكه كان هيغمى عليا من الفرحه و لسه يا دوبك ماسك ايدى و هلبسهالى ,جت اللى ربنا يقصف اجلها صرّخت ...

رددت عليها مى و قالت بطفوليتها المعتادة :عشان تبطلى تنامى جنب الشباك.

و قبل ان تهم شيماء بضربها ,وقفت لبنى بينهما و قالت:

بإذن الله ربنا هيكرمك بواحد و تفرحى معه العمر كله مش ليله واحده, و يبقى حقيقه مش احلام,انتى هتعملى عقلك بعقلها ما انتى عارفاها..و كمان هي الصغيره المفروض نستحملها ,

- طيب اما اروح اصحى ابوكوا ليتاخر على شغله


قالتها الام و دخلت حجره نومها وهي تقول فى إنفعال : انت يا راجل

يا راجل قوم اللى يشوفك كدا يقول انك سهران طول الليل

و مصمصت شفتاها و هي تقول: حكم ...
ما تصحى بقى يا جدع انت ....ابراهيم, مش كفايه منزلتش بدرى تجيب فطار للبنات !!

فتح ابراهيم عينيه و نظر اليها وقال وعينيه نصف مفتوحتين : هو انا مش جايب الفطار امبارح قبل ما انام؟؟!! عاوزه ايه بس تانى ؟


- يا راجل مش وراك شغل! ...و لا ناوى تبلط النهارده فى البيت ؟

أجابها قائلاً : انا مش قايلك امبارح انى هاريح النهارده؟

رددت عليه فى ضيق : و تريح ليه بقى ان شاء الله ! شغال فى الفاعل طول الاسبوع و لا ايه؟ قوم يا راجل انت شوف شغلك, اللى يقول كدا يحس انك مغرقنا بالفلوس

دا يادوبك مرتبك على مرتب لبنى على مرتب شيماء بيجيبوا الشهر بالعافيه..

جلس ابراهيم على السرير و قال: يا وليه حرام عليكى

دا احنا كل شهر بنوفر مرتبات العيال و مرتبى لوحده بيكفينا.


اجابته منفعلة :و الله اللى ما يشوفش من الغربال يبقى اعمى , وانت مش شايف سيادتك ان بناتك على وش جواز و لا البعيد معندوش نظر! مش عاوزين جهاز ومصاريف و لا نفضح نفسنا قدام اى عريس يتقدم !!


- اووووووووووووووف ....


اطلقها ابراهيم و هو يرمى الغطاء من عليه و يمسك بالمنشفة و يقول :

انا رايح على الشغل الظاهر الشغل اريح ميه مره من البيت.

نظرت اليه وهيا تتمتم : رجاله اخر زمن






انتهى الجزء الاول

قصة ممتعة وشيقة حمود

منتظرين الباقى بشغف

شكرى عزيزتي فله على موررك