تعلّم من غروب الشمس وش معنى الـوداع

[read]من بغى الفرقا لقى لـه عـذر واسبـاب ودليـل
خل عنـك العـذر والاسبـاب دام الحـب ضـاع

كان ودك بالفراق .. ابشر عسى عمـرك طويـل
لاتردد وانـت لـك كلمـه ولـك امـر ٍ مطـاع

لي عليـك انّـك تبّـت بكلمـة ٍ تشفـي الغليـل
ولك عليّ اني لأوّقـف وقفـة الرجـل الشجـاع

لاتجاملني مخافة ( قال ) مدري خـوف ( قيـل )
عمر ( هرج الناس ) مايسمـن ولايغنـي جيـاع

كان قصدك ( سر حبك ) .. اوعدك لأصبح بخيـل
واحمل اسرارك معي للموووت قـدر المستطـاع

بس قلها ... قل ما احبك ... وابشر بصبر ٍ جميل
لاتحسب أني مثل مـن طبعهـم لـوي الـذراع !

صاحبـك ماهـو كـذا ياصاحـب القـد النحيـل
صاحبك طبعـه غريـب وغربتـه غربـه طبـاع

في الهـوى مايقبـل الحـل الوسـط ولا القليـل
مثل ماهو لاشرى يشـري .. ليامـن بـاع بـاع

ثابت ٍ لو هي تميـل الارض حـدره ... مايميـل
يـدري ان الفقـر ماهـو عيـب والدنيـا متـاع

ماعشق لـذّة حياتـه كثـر عشـق المستحيـل
ولا كـره حتـى مماتـه كثـر كـره الأنصيـاع

كم تعلّم من شديـد البـدو وش معنـى الرحيـل
وكم تعلّم من غروب الشمس وش معنى الـوداع

وكم تعلّم من سحاب الصيف وش معنى الحصيـل
وكم تعلّم من ليـال البـرد وش معنـى الضيـاع

ايه انا هذا طريقي ( موحش .. وصعب .. وطويل )
وانت لامنـك تعبـت .. العالـم فجوجـه وسـاع

اعتبرنـي فـي بدايـة سكّتـك عابـر سبـيـل
و رح وانا قلبي معك من وين وجّهـت الشـراع

يكفي اني لاانذكرت في سالفة عشّـاق .. قيـل :
عاشر احبابه شجاع .. وفـارق احبابـه شجـاع
[/read]

شكرى على هل موضوع الجميل ولك مني اجمل تحيه حمودي

همسة رووووووووووووووووووعة

فعلا درس وهمسة مميزة وروووووووووووعة

يكفي اني لاانذكرت في سالفة عشّـاق .. قيـل :
عاشر احبابه شجاع .. وفـارق احبابـه شجـاع

همسة راااااااائعة منك سمورة

تسلم ايديكي يالغلااااااااا وربي لا يحرمنا مشاركاتك الرااااااائعة

شكرا لنقلك الجميل والكلمات الحلوة...

كم تعلّم من شديـد البـدو وش معنـى الرحيـل
وكم تعلّم من غروب الشمس وش معنى الـوداع

همسة وكلمات راااااااائعة منك سمر

شكراااااااا وبارك الله فيكي ... لكي مني اجمل تحية

شكرا على الموضوع الجميل

كان ودك بالفراق .. ابشر عسى عمـرك طويـل
لاتردد وانـت لـك كلمـه ولـك امـر ٍ مطـاع ..

تسلم يمينك..

ودي..