سلطات لذيذه جدا بالصور...

السلآم عليكم ورحمة الله وبركآته .


قائمة السلطات..


1_سلطة بتتبلية الزعتر والشبت

2__سلطة أكواب البطاطس

3_سلطة الخضار المقلية

4_سلطة البصل الأبيض

5_سلطة رولات الباذنجان


***********
_ سلطة بتتبلية الزعتر والشبت

المقادير
..

خس أمريكي او خس عادي
مقطع طوال ..
زيتون شرايح سواء أخضر او أسود
خبز مقطع ومشوحينه على النار مع زيت الزيتون
والزعتر << كمية الزعتر كثيرة شوي تغطي الخبز تمااام



التتبيله
علبة زبادي
علبة صوص رانس للسلطات
نص حزمة شبت وملعقتين زعتر وممكن تكون بقدونس او كزبرة
بس شخصياً بالشبت أطعم كثير حسيتها ..
ملح وليمون وزيت زيتون..
نخلطهم بالخلاط الكاس لحد ما يصير اللون أخضر

عزيزى العضو/الزائر يجب عليك الرد لمشاهدة الرابط

نحط بالطبق اللي نقدمة الخس بعدين رشة زيتون
بعدها نرش عليها الخبز وبالأخير الصوص
ونرجع نكرر نفس الطبقات ..
آخر طبقة رشيت عليها شوية بابريكا وزعتر













*********************




سلطة أكواب البطاطس

المقادير..

بطاطس مسلوق

الحشوة ..
جبن كريم / جبن موتزريلا
ملح وفلفل
هوت دوق مقطع مكعبات
جزر مقطع مكعبات ومسلوق
بازلا مسلوقه
مشروم مشوح على النار
زيتون شرايح
ذره

الحلو بالسلطة هذي تعتمد على الذوق والإبداع
أو محبة الشخص لأشياء معينه

الطريقة ..

نسلق البطاطس ونفرغه
ونزيد عليه الجبن الكريمي
وملح وفلفل ونرجع نرجعه للبطاطس مره ثانيه
نحط فوق البطاطس كل شي جهزناه
أو اي شي تحبونه ..
نرش عليه جبن الموتزريلا
وندخله الفرن دقايق يدفى
وتذوب الموتزريلا







































يتبعـــــــــــــــــ.......

_سلطة الخضار المقلية




المقادير

زهره مقليه
بصل مقلي
بطاطس مقطع شرايح ومقلي
بصل أخضر
خيار
خس أمريكي
فلفل بارد الوان أحمر/ أخضر/ أصفر















الطريقة
نخلط كل شي مع بعض الا البصل ..

نبدأ بخلط الصوص
عبارة عن ..
2 علبة زبادي
2 ملعقة طحينه
1ملعقة مايونيز

ملح / ليمون

على النار نكون مشوحين بقدونس وثوم
نحطه على خلطة الزبادي
نحط الخضار بالصحن ونحط فوقه التتبيله
وبعدها البصل المقلي عليه


ونقدمها زي ما نحب ..



وصحتين وعااافية ..

********************

_سلطة البصل الأبيض :


المقادير:

3

حبات بصل أبيض مقطع شرائح
نص حبه من كل من فلفل بارد أحمر/ أخضر/ أصفر
نص كاس فاصوليا خضراء
نص كاس بروكلي ..
نص كاس مشروم مشوح على النار
نص كاس فاصوليا حمراء


تخلط جميع المقادير

الصوص

تتبل بفنجان شاهي خل مع 1 ملعقة سكر بودره
2 ملعقة دبس رمان
2 ملعقة الصوص الفرنسي ..









تخلط جميع المقادير مع الصوص وتقدم ..



وصحتين وعافية يارب


************************

_سلطة رولات الباذنجان

المقادير

باذنجان حجم كبير
بقدونس
بطاطس مقطع مكعبات صغييييرة ومقلي
طماطم بدون لب مقطع مكعبات صغيييرة


الطريقه.

نقطع الباذنجان شرايح بالطول وتقلى
بعد القلي توضع بصحن فيه زيت زيتون
ملح وثوم وليمون ونقلبها من كل الجهات

نبدأ ناخذ وحدة وحده

ونحشيها بالحشوة

الحشوة هي

الطماطم والبطاطس والبقدونس
متبلينهم بملح وليمون وشوي ثوم وزيت زيتون


نلفها مثل الأصابع
الصور توضح ..

نحطها بصحن التقديم
نخلط علبة زبادي
1 ملعقة مايونيز
ملح/ ليمون


ونحطه على أصابع الباذنجان
نرش السماق والنعناع الجاف



وتتقدم زي ماتحبون

والف صحه وهنا ...


ودي..

سارونا..

مشكووورة أختي على الوصفات
جهد رائع

الاروع تواجدك اخي الكريم ...

لاهنت ولاهان مرورك ..

ودي..