زعلان انه منك وابد ما حاجيك

زعلان انه منك وابد ما حاجيك

ماريدن احبك بطلت اهواك

انساك ابقه احاول وانسه تعب الروح

ولو ادري جذب ما اكدر انه انساك

عشت وياك دمعه وما ضحكت هواي

وما شفت الفرح لسبوع ابد وياك

تعرفني ولك يفلان كلش زين

وتدريني شكثر اتحيير بملكاك

ياسر البواجي والدمع بالعين

يا دفتر شعر وك معرفت اقراك

ارعاك بوريدي وتشعل انت دماي

رغم كل هذا واتصبر وارد أرعاك

اكتل وكتي لجلك حته اجيلك شوك

ولامهتم اشوفك بييه لا مشتاك

تضل تحجي ويه غيري تضحك وفرحان

( واخوي تكلي هاذ وتبتسم عيناك )

من كل البشر وك انه اغار اعليك

من امك وابوك وربك السواك

ما اكدر بعد حدي انختم لهنااا

ضل عايش حياتك بين هاذ وذاك

لتفكر بعد شاعر يوصفك يوم

محد مثلي يوصف شكلك الفتاك

محد مثلي يوصف عينك ورمشيك

يامن الخمر ربك شهد صفاك

لتفكر بعد شاعر يوصفك يوم

ومثل تاج الملك فوك الغزل خلاك

من شعرك وصفتك انه حد رجليك

وصلت المشيتك .. صاب القلم ارباك

ذبيت القلم وبلا قلم كتبـــــــــــــيت

قطيت انه اصبعي ووصفت ممشاك

انطيتك عشك بس الك حب انطيت

اتراهن انه ومحد ابكدي انطاك

اذا عينك بجت اكلب جروحي بساع

وادرولك ضحك بييه واكلك هاك

كلشي تلزمه بيدك جنت اضمه وياي

كاغد عندي منك احفضه لذكراك

واليوم اليمر وما اشوفك بي

احضن الكاغد انه وما احس بفراك

حته ويه الحلم لازم اشوفك طيف

واذا اضيعك اغمض بالجفن الكاك

كل هاي المحبه وماتحن شبيك ؟!

ولا مره اغلطت او قصرت وياك

ما اكدر بعد حدي انختم لهناا

ضل عايش حياتك بين هاذ وذاك

زعلاااااان انه منك بعد ما احاجيك

ماريدن احبك بطلت اهواك

انساك انه احاول وانسه تعب الروح

ولو ادري جذب للموت ما انساك

همسة شعرية مميزة نوفل

تسلم إيدك

الله يسلمك سمور
منوره

كلمات معبرة ولطيفة سلمت يداك أخ نوفل..

الله يسلمك اخي فادي منورني

همسة كوووووووووول نوفل

ممتــــــــــــــــــــــــــعة

سلمت يداك نوفل على شعرك الرائع و الراقي

شكرا ع التواصل الرائع
منوريني

انساك انه احاول وانسه تعب الروح

ولو ادري جذب للموت ما انساك

همسسه معبرة نوووووفل

يعطيك العافيه

فى انتظار المزيد [align=center][/align]

الله يعافيك غاليت
منورتني